Mədəniyyət və Turizm Nazirliyi, Xaçmaz Rayon İcra Hakimiyyəti, Azərbaycan Milli Kulinariya Mərkəzi və Azərbaycan Milli Kulinariya Assosiasiyasının (AMKA) birgə təşkilatçılığı ilə ikinci beynəlxalq dolma festivalı keçirilib.
Xeberle.com-un "Report"a istinadən məlumatına görə, festivalda 12 ölkə və Azərbaycanın 50 rayonundan 500-dən çox iştirakçı iştirak edib. Bölgələrimizdə bişirilən və müxtəlif çeşiddə hazırlanan 350 növ dolma festivalda sərgilənib.
Ən maraqlı tarixi qeyri-adi dolma üzrə yarışda 1-ci yerin qalibi Xızıda şirin dolma, 2-ci yerə Şabran göbələk dolması və Şuşa çörək dolması, 3-cu yerə Zaqatala bağırsaq dolması, Qax qaya yarpağı dolması və Qazax limon dolması layiq görülüb.
Ən yaxşı rayon süfrəsi nominasiyasına Xaçmaz rayonu layiq görülüb. Ən çox çeşid nominasiyası üzrə 1-ci yeri Sumqayıt şəhəri, 2-ci yeri Xaçmaz rayonu, 3-cü yeri isə Laçın rayonu tutub.
Ən maraqlı stend nominasiyasina 1-ci yeri Ukrayna, 2-ci yerləri İndoneziya və Koreya, 3-cü yerləri Meksika, Özbəkistan və Bolqarıstan qazanıb.
Xatırladaq ki, I Beynəlxalq dolma festivalı 2016-cı il iyulun 1-də Abşeron rayonunda keçirilib.
Xəbərdən istifadə edərkən istinad etmək vacibdir.
