Erməni tərəfi 1988-ci ildə SSRİ DTK-sının təşkilatçılığı və planı ilə Sumqayıtda törədilən hadisələrdən sonra Azərbaycandakı erməni qəbirlərinin dağıdıldığını iddia edirdilər.Əslində isə ortada bəzi dağıdılan rus, erməni və digər millətlərə aid qəbirlər var ki, bunlar da onların özlərinin dağıtdığı məzarlardır.

Ərazidə olan qəbirlər, o cümlədən ermənilərə aid olan məzarlar olduğu kimi qalır. İllər ərzində yerli əhali və ya başqaları tərəfindən rus, erməni qəbirlərinə kiçik bir müdaxilə belə edilməyib.

Hətta qəbiristanlığa nəzarət edənlər qeyd edir ki, onlar 1990-cı illərdə dağıdılmış qəbirləri özləri təmir ediblər. Məzarların yanındakı dəmir stol və stullar hələ də qalıb və qəbirlərin əksəriyyəti dəmir hasarlarla əhatə olunub.

20 ildən çoxdur ki, burada yeni məzarlıqların salınmadığını qeyd edən nəzarətçi bəzən rusların öz qohumlarını ziyarət etmək üçün bura gəldiklərini bildirir. Bu sözləri də qəbirlərin üzərində olan güllər sübut edir.

Qeyd edək ki, bunun əksinə olaraq Müharibə və Sülh İcmalları İnstitutunun Ermənistandakı nümayəndəsi, "Vətəndaş təşəbbüsü” qəzetinin əməkdaşı Naira Bulqadaryanın www.iwpr.netsaytında verdiyi "Ermənistanda azərbaycanlı qəbirlərinin acı taleyi” başlıqlı yazıda erməni vandalizmindən geniş bəhs edib.
Bütün bunlar bir daha kimin, hansı xalqın tolerant, hansının isə vəhşi olduğunu göstərir!

Hicranə İsmayılova
Foto: Kamran Bayramov
Xeberle.com