Bildiyimiz kimi, Azərbaycan Prezidenti İlham Əliyevin 2007-ci ildə imzaladığı "Azərbaycandakı monumental heykəltəraşlıq abidələri, xatirə-memorial və memarlıq kompleksləri haqqında” Sərəncama əsasən, Dədə Qorqud heykəli və "Dədə Qorqud dünyası” tarixi-etnoqrafik kompleksinin yaradılması ilə bağlı müvafiq tədbirlər görülüb. Geniş tikinti və abadlıq işləri nəticəsində Bakının Nərimanov rayonunda 6 hektar ərazidə Dədə Qorqud parkı salınıb və 2013-cü ildə parkın açılışı olub. Bu yaşıl park paytaxt sakinlərinin və şəhərin qonaqlarının sevimli istirahət guşəsinə çevrilib. Lakin təəssüf ki, hazırda o gözəl parkda ağacların bir qismi quruyur. Buna səbəb ağaclara "gözəl görünsün deyə" sarmaşığın vurulmasıdır. Botaniklər də yaxşı bilir ki, sarmaşıq ağacın şirəsini tez bir zamanda çəkdiyi üçün onlar sürətlə quruyur.

 Xeberle.com-a daxil olan məlumata görə parka hansısa şirkət qulluq edir və ən pisi budur ki, onlar bütün ağaclara sarmaşıq vurmaq fikrindədirlər. Gec olmamış həyəcan təbili çalmaq lazımdır! Parkdan çəkilən şəkilləri təqdim edirik.