Qurban bayramı ilə əlaqədar ölkədaxili sərnişin qatarlarına əlavə vaqonlar qurulacaq.
"Azərbaycan Dəmir Yolları” QSC-nin ictimaiyyətlə əlaqələr şöbəsindən bildirilib ki, QSC-nin Sərnişin daşımaları Departamentinin kollektivi Qurban bayramı ərəfəsində gücləndirilmiş iş rejimində çalışacaq. Belə ki, sərnişin qatarlarında xidmət mədəniyyəti səviyyəsinin daha da yüksəldilməsi üçün bütün qüvvələr səfərbər olunub. Eyni zamanda, Qurban bayramı ərəfəsində sərnişin sıxlığının artması ilə əlaqədar, ölkə daxilində hərəkət edən sərnişin qatarlarına əlavə vaqonların qoşulması təmin ediləcək.
Sərnişin qatarlarına bilet satışı 10 gün qabaqcadan, əlavə vaqonlara isə bilet satışı həmin vaqon qatara qoşulan gün həyata keçirilir.(Azertac)

Xəbərdən istifadə edərkən istinad etmək vacibdir.