İnsanlara birlik, həmrəylik, şəfqət, xeyirxahlıq
duyğuları aşılayan Qurban bayramı müsəlman dünyasında əsl təntənəyə çevrilir. Bu
müqəddəs bayram Qubadlı rayonunda geniş şəkildə qeyd edilib. Bütün bayramlarda
olduğu kimi bu bayramda da aztəminatlı ailələr, yataq xəstələri diqqətdən
kənarda qalmayıb. Bu müqəddəs gündə Qubadlı rayonunda da qurbanlar kəsilib, 500-ə
qədər ailəyə qurban payı verilib.
Rayon İcra Hakimiyyətinin başçısı Malik İsaqovun
tapşırığı ilə İcra Hakimiyyətinin məsul şəxsləri, ərazi dairələri üzrə icra
nümayəndələri bir çox ailələrə bilavasitə yaşadıqları ünvanda baş çəkib, onlara
bayram təbriklərini, qurban paylarını çatdırıblar. Rayon əhalisi bütün
bunları Azərbaycan Respublikasının Prezidenti İlham Əliyev cənablarının diqqət
və qayğısının təzahürü kimi minnətdarlıqla qarşılayıblar.
Bu tədbirin təşkilinə görə Qubadlı rayon İcra
Hakimiyyətinin başçısı Malik İsaqova sonsuz razılıq ifadə edilib.
Belə bir inam bildirilib ki, Azərbaycan Prezidentinin apardığı siyasət
nəticəsində torpaqlarımız işğaldan azad ediləcək və növbəti Qurban bayramını
qaçqın və məcburi köçkünlər öz doğma yurdlarında qeyd edəcəklər.
Xəbərdən istifadə edərkən istinad etmək vacibdir.
