O, xüsusən Sumqayıta yeni gətirilən avtobus sürücülərindən narazılığını ifadə edib.

 

E.Əlinin Xeberle.com portalının elektron ünvanına ünvanladığı şikayəti olduğu kimi təqdim edirik: Hal-hazırda 7 nömrədəyəm, bir xanım yelpik ilə özünü yelpikləyir. Digər xanım-xatın bir qadın da deyir ki, bax ona görə bu gündəyik. Denən, kondisioneri yandırsın da, istidirsə sənə. Şəhər rəhbərliyi bu avtobusları gətirəndə vurğulayırdı ki, kondisionerləri var. Yaxınlaşdım sürücüyə və kondisionerin nəyə görə işləmədiyini soruşdum. Mənə birinci çöndü ki, çalışır əlini tut hava axınına və işlədiyinə əmin ol. Yoxladım və dedim, bu adi fandır, yəni kondisioner qoşulmayıb. Dedi ki, gəl bax. Mən ora baxanda 31̊ C göstərirdi, dediyim kimi fan idi. Deyirəm, niyə temperaturu artırmırsan?! Mənə cavab verir ki, get fortuçkaları bağla və uç dedi-nədi, anlamadım. Gördüm qanmaz adamdır. Əgər kondisioneri işlədirsənsə, nəyə görə Şəhər İcra Hakimiyyətinin (vətəndaşların vergisi ilə alınmış, daşınan mülk) texnikasına zərər verirsən bu bir. İkincisi isə sürücüləri işə götürəndə tək qalstuk taxmağı yox, nizam intizamı və mədəniyyəti öyrətmək lazımdır. Üçüncüsü isə onun təhqir etdiyi söz nə idisə, "uç ala dedi nədi" elə öz dilində avtobusdan düşüb cavabını verə bilərdim, amma salondakı qadınlara görə düşmədim onun səviyyəsinə. Lazım gələrsə, araşdırma da verə bilərik avtobusdakı kamera görüntüləri yəqin qeydə alınıb.

Bu da nömrəsi: 50 AE 649 d/n Akira 7 nömrəli marşrut avtobusu.