Sumqayıt şəhəri, 3-cü mikrorayondakı 19B saylı 12 mərtəbəli binanın sakinləri lift problemi yaşayırlar. Yağıntılı hava sanki bu binanın sakinlərinin kabusuna çevrilib. Çünki yağış yağan kimi sakinlər liftsiz qalır. Sumqayıt "Liftservis” Birliyindən bildirdilər ki, problemin yaranmasına əsas səbəb liftə su dolmasıdır. Belə məlum olur ki, binanın dam örtüyündən axan yağış suları lifti sıradan çıxarır. Mənzil Kommunal Təsərrüfatı İstehsalat Birliyindən isə bildirdilər ki, problemlə bağlı məlumatlıdırlar. Və dam örtüyü qısa müddət ərzində təmir ediləcək və yaranan problem aradan qaldırılacaq.