Bir neçə gün öncə aprel döyüşləri zamanı şəhid olmuş Əbdülməcid Axundovun, Şülan Bayramovun, Seymur Baxışovun, Rəşid Baxşəliyevin və digərlərinin şəkilləri olan plakatlar yaşadıqları evin qarşısında asılmışdı.
Bu addım ictimaiyyət tərəfindən müsbət qarşılansa da,dünən gecə həmin plakatlar naməlum şəxslər tərəfindən ərazidən götürülüb.
Xeberle.com xəbər verir ki, femida.az Sumqayıt Şəhər İcra Hakimiyyətindən məsələ ilə bağlı münasibət öyrənməyə çalışıb.
İctimai-siyasi və humanitar məsələlər şöbəsinin baş məsləhətçisi Eyvaz Qocayev bildirib ki, şəhid adlarının əbədiləşdirilməsi qanunla müəyyən olunmuş qaydadad həyata keçirilir.
"Şəhid adlarının əbədiləşdirilməsi müxtəlif formalarda ola bilər. Bu da qanunla tənzimlənir. Sizin qeyd etdiyiniz plakatların yerləşdirilməsindən və sökülməsindən icra hakimiyyətinin xəbəri yoxdur”, deyə Eyvaz Qocayev açıqlamasında bildirib.
Xəbərdən istifadə edərkən istinad etmək vacibdir.
