Yolun ortasında açıq qalan kanalizasiya quyusuna avtomobillərin düşməməsi üçün maraqlı çıxış yolu tapıblar.
Nəsimi rayonu, 6-cı mikrorayon dairəsi, "Varovski” adlanan ərazidə ən işlək yollardan birinin tən ortasında kanalizasiya quyusunun ağzı açıq qalıb. Artıq bir müddətdir ki, quyunun qapağı yoxdur. Ətrafda yaşayan sakinlər problemə maraqlı çıxış yolu tapıblar. Quyunun ağzını bağlamaq üçün onun qarşısına daş qoyulub. Yol nişanı funksiyası daşıyan bu daş özü də sürücülər üçün əlavə problem yaradır. Xüsusilə də axşam saatlarında problem təhlükəli hala çevrilir.
Sözügedən yolda hərəkətin intensivliyini nəzərə alsaq, hansısa qəza ehtimalı real görünür...
Xəbərdən istifadə edərkən istinad etmək vacibdir.
