İspaniyanın məşhur idman nəşri Mundo Deportivo "Qarabağ"la bağlı səhvini düzəldib.
Nəşr "Atletiko"nun futbolçusu Yannik Karraskos haqda dərc
etdiyi yazıda Azərbaycan futbolunun Çempionlar Liqasındakı təmsilçisi
"Qarabağ"ı "erməni klubu" adlandırmışdı.
""Çolo"nun uşaqları ("Atletiko"nun baş məşqçisi Dieqo Simeonun ləqəbi
) erməni "Qarabağ”ına qarşı oynadı - rəqib, hansı ki, kağız üzərində
tamamilə keçilən görünürdü. Ancaq "Atletiko" qol vura bilmədi, Avropada
ikinci dəfə heç-heçə oynadı və bununla da öz pərəstişkarlarını
hirsləndirdi", - deyə Mundo Deportivo yazmışdı.
Azərbaycandan çoxsaylı şikayətlərdən sonra nəşr "erməni" sözünü mətndən çıxarıb və səhvini düzəldib.(Virtualaz.org)
Xəbərdən istifadə edərkən istinad etmək vacibdir.
