Xəbər verdiyimiz kimi bir müddət bundan əvvəl iki nömrəli marşrut avtobuslarının hərəkət istiqaməti dəyişdirilmiş və yeni avtobuslarla əvəz olunmuşdu.

Dəyişdirilən marşrut avtobusu Corat qəsəbəsindən keçmədiyi üçün sakinlərin böyük narazılığına səbəb olmuşdu və bu, həmin ərazidəki yolların vəziyyətinin yaxşı olmaması ilə əlaqələndirilmişdi. Hazırda isə 2 nömrəli marşrut xəttinə verilən yeni avtobuslar 30 nömrəlinin avtobusları ilə əvəz olunub və bundan başqa 2 nömrəli marşrut avtobusunun hazırki hərəkət istiqaməti saxlanılmaqla əvvəlki istiqamətdə hərəkəti də bərpa edilib. Deyilənlərə görə, sözügedən marşrut avtobusun Corat qəsəbəsindən keçməsi üçün o, köhnə avtobuslarla əvəzlənib.

Məsələ ilə bağlı rəsmi tərəfin mövqeyini öyrənməyə çalışsaq da Sumqayıt Nəqliyyat MMC-nin rəhbəri Xannı Rüstəmov zəngimizə cavab vermədi.