Müasir dövrün uşaqlarını cizgi filmi izləmədən təsəvvür etmək mümkün deyil. Onlar demək olar ki, günün yarıdan çoxunu televiziya qarşısında keçirirlər. Əcnəbi multiplikasiya şirkətlərinin istehsalı etdiyi ekran əsərlərini izləyirlər. Həmin cizgi filmlərinin əksəriyyətində şiddət, işgəncə, qorxu və etikadan kənar səhnələrə yer verilir, obrazların dilindən bayağı ifadələr işlədilir. Bu isə sonda təəssüfləndirici məqamlara gətirib çıxarır.Cizgi filmləri uşaqların özünü dərk etməsi, ətraf aləmi kəşf etmələri üçün önəmli rola malikdir. Amma əfsuslar olsun ki, bu gün telekanalları zəbt edən qanlı və döyüş janırlı multiplikasiyalar uşaq psixologiyasına olduqca böyük zərər verir. Cizgi filmləri uşağın psixologiyasına mənfi təsir göstərməməli,  onu sakitləşdirməli və maarifləndirməlidir. Valideyn də çalışmalıdır ki, məhz bu cür faydalı cizgi filmlərini seçib övladlarına göstərsin. Valideynlər uşaqlara daha çox sevgi, qayğı vermək istəyirlərsə cizgi filminin seçiminə daha həssas yanaşmaları vacibdir. Efir vaxtını bütünlüklə balacalara həsr edən Azərbaycanın ilk uşaq televiziya kanalı olan ARB Günəşin yayımında şiddət, pis vərdişlər aşılayan cizgi filmi və kadrlara yer verilmir. Mütəxəssislər cizgi filmi düzgün seçilsə belə uşaqlara uzun müddət televizorun qarşısında oturmaq məsləhət görmürlər. Yeri gəlmişkən,oktyabrın 28-i "Beynəlxalq Animasiya Günü"dür. Bayramınız mübarək!

Xəbərdən istifadə edərkən istinad etmək vacibdir.