Millət vəkili Qənirə Paşayeva bələdiyyə sədri və həyat yoldaşının dəhşətli qətlindən yazıb.  Deputat hadisə ilə bağlı fikirlərini sosial şəbəkədə paylaşıb:   "Bir az öncə Saray qəsəbəsinin bələdiyyə sədri Vəsilə xanım və həyat yoldaşı Vəfadar Əbilhəsənovun yas mərasimində iştirak etdik. Çox dəhşətli bir faciədir. Ailənin balaca uşaqlarının bu dəhşətli faciəni görmələri isə bir başqa dəhşətdir. Sözlə ifadə edilməyəcək qədər ağır bir faciədir”.   Q.Paşayeva bildirib ki, cinayəti törədən cəzasını alacaq: "Allahdan Vəsilə xanıma və həyat yoldaşına rəhmət, əzizlərinə səbr diləyirik. İnşallah bu faciəni törədən layiq olduğu cəzanı alacaq. Amma anasız və atasız böyüyəcək o iki günahsız körpənin içindəki acını azaltmaq çox çətin olacaq. Həm də çox çətin. Allah onlara yardımçı olsun”. (axar.az)