Prezident İlham Əliyev Amerika Birləşmiş Ştatlarının Prezidenti Zati-aliləri cənab Donald Trampa başsağlığı məktubu ünvanlayıb.
Xeberle.com xəbər verir ki, məktubda deyilir:
"Hörmətli cənab Prezident.
Texas, Ohayo və İllinoys ştatlarında törədilmiş silahlı hücumlar nəticəsində insan tələfatı və yaralananlar barədə xəbərdən olduqca kədərləndim.
Bu dəhşətli hadisələr ilə əlaqədar Sizə, həlak olanların ailələrinə və yaxınlarına, bütün Amerika xalqına öz adımdan və Azərbaycan xalqı adından dərin hüznlə başsağlığı verir, yaralananların tezliklə sağalmasını arzulayıram."
Xəbərdən istifadə edərkən istinad etmək vacibdir.
