Xeberle.com-a daxil olan şikayətlərdə ən çox sakinlər 2, 3, 4, 5, 8, 15, 25, 30 nömrəli avtobusların fəaliyyətindən narazıdırlar. Səhər və günorta saatlarında 10-20 dəqiqə interval ilə işləyən avtobuslar, axşam saat 20:00-dan sonra 30-50 dəqiqə aralığında hərəkət edirlər.  Bu da sakinlərin işə gecikməsi, mənzil başına gec çatması ilə nəticələnir.

Sumqayıt Şəhər İcra Hakimiyyətinin başçısı yanında Sumqayıt Avtomobil Nəqliyyatı ilə Sərnişindaşıma İdarəsinin rəisi Seyfulla Əsədullayev Xeberle.com-a açıqlamasında bildirib ki, bu problemdən xəbərdardırlar və həlli üçün çalışırlar:

"Biz bu problemi aradan qaldıra bilmirik, ancaq çalışırıq. Şəhərimizə yaxın vaxtlarda 26 yeni avtobus gətiriləcək. Bununla bağlı şəhər rəhbərliyinin göstərişi var. Ümid edirik ki, yeni avtobuslar şəhərimizə gələndən sonra bu problem aradan qaldırılacaq".

Hicranə İsmayılova

Xeberle.com