Sumqayıt
şəhər 63 nömrəli
"Venera" uşaq bağçasında 9 Noyabr Azərbaycan Respublikasının Dövlət
Bayrağı Gününə həsr olunmuş "Mənim bayrağım mənim varlığımdır” adı altında bayram
tədbiri keçirilib.
Azərbaycan
Respublikasının Dövlət Himni ilə başlayan tədbiri giriş sözü ilə açan bağçanın
müdiri Ceyhunə Hüseynova bu günün
tarixi, xalqımızın müstəqillik uğrunda şərəfli mübarizə yolu, qədim Azərbaycan
dövlətlərinin bayraqları haqqında məlumat verib, körpə fidanların milli ruhda yetişməsi,
onlarda dövlətçilik ideologiyası və siyasi təfəkkürün formalaşması baxımından
belə tədbirlərin zəruriliyini vurğulayıb. C. Hüseynova bağçanın pedoqoji kollektivini və körpələri bu əlamətdar gün münasibətilə təbrik edərək əsas
dövlət atributu olan müqəddəs bayrağımızı qorumağa çağırıb.
Bağça
müdiri həmçinin çıxışında vurğulayıb ki,
dövlətimizin başçısı İlham Əliyevin diplomatik uğurları və güclü, qüdrətli Azərbaycan ordusu sahəsində
biz tezliklə işğal edilmiş torpaqlara
qayıdacağıq və Azərbaycan bayrağını
Şuşada, Xankəndidə dalğalanadıracağıq.
Sonra məktəbəhazirlıq
"b " qrupunun müəllimi Şövkət Əhmədova hazirladığı kompozisiya
nümayiş olunub. Məqsəd uşaqlarda dövlətə
onun rəmzlərinə hörmət və sevgi aşılamaq olub.
Tədbirdə
dövlət rəmzləri ilə bağlı məlumat verilib və uşaqların bu barədə bilgiləri möhkəmləndirilib.
Maraqlı
ssenari, bir-birini əvəz edən rəngarəng şeir və musiqi nömrələri bağça
uşaqlarının Vətən və bayraq sevgisinin, milli ruhunun, istedadlarının təzahürü
kimi qarşılanıb.
Qeyd edək
ki, bağçada 220 uşaq təlim-tərbiyə alır.
Xeberle.com
Xəbərdən istifadə edərkən istinad etmək vacibdir.
