"İstilik almayan evlərinə görə vətəndaşlar üstümüzə düşüb ki, bizə də istilik verin. Onda deyirik ki, ay bacım, qardaşım biz kimik axı?!"
Bu sözləri Xeberle.com-a açıqlamasında "Azəristiliktəchizat” ASC-nin "Sumqayıtistiliktəchizatı” İdarəsinin rəisi Avtandil Nuriyev bildirib. O qeyd edib ki, Sumqayıt şəhəri gələn ilin sonuna qədər tam olaraq istilik təchizatı ilə təmin olunacaq. "Regionların sosial-iqtisadi inkişafı” dövlət proqramında Sumqayıtın tamamilə istiliklə təmin edilməsi öz əksini tapıb. Bu proses 2018-ci ilə qədər yekunlaşmalıdır. Ancaq, 3 ildir ki, o işləri görmək üçün dövlət investisiyası yoxdur. İqtisadi İnkişaf Nazirliyi bizə yazıb ki, investisiya məsələlərinə baxılanda bu məsələyə də mütləq baxılacaq".
Ümid edirik ki, bu proses öz həllini tez tapacaq və Sumqayıtın hər bir binası istiliklə təmin olunacaq.
Hicranə İsmayılova
Xeberle.com
Xəbərdən istifadə edərkən istinad etmək vacibdir.
