Sumqayıt şəhər Gənclər və İdman Baş İdarəsi və Gənclər Evinin birgə təşkilatçılığı ilə Gənclər Evində "Sumqayıt Evimizdir–Evimizi Təmiz Saxlayaq” adlı ekoloji aksiyada və Gənclər Evinin elan etdiyi V könüllülük fəaliyyətində iştirak etmiş gənclər üçün "22 Noyabr-şəhər günü”nə həsr edilmiş bədii-əyləncəli bayram tədbiri təşkil edilib. Müxtəlif sahələri təmsil edən könüllülərin, hökümət, qeyri hökümət gənclər təşkilatları nümayəndələrinin iştirak etdiyi tədbirdə çıxış edən Baş İdarənin Gənclərlə iş sektorunun müdiri Ceyhun Hüseynov "Şəhər günü” münasibətiləgəncləri təbrik edərək, Ölkə, Gənclər və İdman Nazirliyi, Şəhər Rəhbərliyinin gənc nəslə göstərdiyi diqqət və qayğıdan, cari ildə qəbul olunmuş "Azərbaycan Gəncləri 2017-2021-ci il dövlət proqramı”ndan irəli gələn vəzifələrin icrasından,şəhərimizdə aparılan quruculuq, abadlıq işlərindən danışıb və ekoloji aksiyada iştirak etmiş gənclərə təşəkkürünü bildirib. Sonra Gənclər Evinin elan etdiyi V könüllülük fəaliyyətini uğurla bitirən gənclərə Baş İdarənin sertifikat və hədiyyələri təqdim edilib.

Tədbirdə gənclərin ifasında maraqlı musiqi, şeir, viktorina müsabiqələri səsləndirilib, və sonda party təşkil edilib.