Bir müddət əvvəl şəhərə 14 ədəd
"KARSAN” markalı kiçiktutumlu
avtobuslar gətirilib. 26 nəfər sərnişin tutumu olan bu mikroavtobuslarda 11
oturacaq və 15 ayaqüstü yer var. Onlar
kondisionerə, qızdırıcıya, eyni zamanda əlilliyi olan insanlar üçün müyəssərliyə
- müvafiq panduslara malik avtobuslardır.
Amma bu avtobusların fəaliyyəti heç də
sərnişinləri qane etmir.
Bu fikirləri Xeberle.com-a daxil olan
şikayətlər də təsdiq edir. Belə ki, şikayətçi Zaur Hətəmov bildirib ki, 9 nömrəli
avtobusların kiçik avtobuslarla əvəz olunmasından əksər sərnişinlər çox
narazıdır:
"Sumqayıt Ceyranbatan yolu olan 9
nömrə avtobusları niyə dəyişilib axı? Əksər sərnişinlər çox narazıdır.
Soruşanda isə səbəbini heç kim bilmir. Niyə təzə balaca 9 nömrə ilə əvəz etdilər?
İçi çox dar və balacadır. Bu da cibgirlərə rahat şərait yaradır. Təzəlikcə
cibgirlər bundan istifadə edərək, 2 nəfərin telefonunu oğurlayıblar. Bundan
başqa sürücülər avtobusun dolu olmasına baxmayaraq yenə adam götürürlər”.
Məsələ ilə bağlı olaraq Sumqayıt Şəhər
İcra Hakimiyyətinin başçısı yanında Sumqayıt Avtomobil Nəqliyyatı ilə Sərnişindaşıma
İdarəsinin rəisi Seyfulla Əsədullayevlə əlaqə saxladıq.
S.Əsədullayev Xeberle.com-a açıqlamasında qeyd edib ki, yeni
avtobuslar gəldiyi zaman xəttə yeni avtobuslar əlavə olunacaq:
"Avtobuslarımız hələ çox deyil. Ola
bilər ki, onları 9 nömrədən çıxarıb başqası ilə əvəz elədik. Hal-hazırda 9 nömrəli
avtobusun xəttinə 8 təzə, 3 ədəd isə əvvəlki
avtobus buraxılıb. Bu hallar da çox güman ki, avtobusların az olması ilə
bağlıdır. Yaxın zamanda bu problemlər həllini tapacaq”.
Hicranə
İsmayılova
Xeberle.com
Xəbərdən istifadə edərkən istinad etmək vacibdir.
