Bu il ərzində Sumqayıt şəhəri üzrə telefon və internet istifadəçilərinin sayı bəlli
olub.
Sumqayıt şəhər Telekommunikasiya Qovşağından Xeberle.com-a verilən məlumata görə, cari ilin əvvəlində şəhər
üzrə ADSL-in genişzolaqlı internet istifadəçilərinin sayı 13760 abunəçi idisə,
10 ay ərzində 3373 abunəçi aztelekom.net internet xidmətinə qoşulub və bu rəqəm
17137-ə çatdırılıb. Bildirilib ki, Sumqayıtda şəhər
telefonlarından istifadə üçün 65118 abunəçiyə xidmət göstərmək imkanı var.
Hazırda isə 59126 abunəçiyə xidmət göstərilir. Onlardan 55961 abunəçi ev
telefonları, 3165-i isə müəssisə və təşkilatlara verilən şəhər nömrələrindən
istifadə edirlər.
Şəhərdə son 10 ay ərzində isə 2346 yeni abunəçiyə
telefon çəkilişi edilib, 324 kabelləşməmiş ərazilərdə işlər aparılıb. Eyni zamanda Hacı
Zeynalabdin qəsəbəsi, Yaşıldərə, Qurd dərəsi,
Xəzər bağları ərazilərində sakinlərin telefon və internetlə təmin
olunması yaxın müddətdə həyata keçiriləcək.
Qeyd edək ki,
bunlarla yanaşı şəhərdə 23124
istismara yarasız kabel, 184 yararsız və
çürümüş rabitə dirəyi yenisi ilə əvəz olunub.
Elnarə
Salamova
Xeberle.com
Xəbərdən istifadə edərkən istinad etmək vacibdir.
