Daxili İşlər naziri Ramil Usubov Yasamal Rayon Mühafizə İdarəsinin rəisi Quliyev Şakir Əliağa oğlunu tutduğu vəzifədən azad edib.
Xeberle.com-un Unikal.org-a istinadən xəbərinə görə, Ramil Usubovun digər əmri ilə Quliyev Şakir Əliağa oğlu Nərimanov Rayon Mühafizə İdarəsinin rəisi vəzifəsinə təyin olunub.
Nazirin əmri ilə Nərimanov Rayon Mühafizə İdarəsinin keçmiş rəisi Məmmədov Hafiz Cəmil oğlu isə təqaüdə göndərilib.
Yasamal Rayon Mühafizə İdarəsinin rəisi vəzifəsinə hələlik təyinat yoxdur.
Xatırladaq ki, Şakir Quliyev Prezident İlham Əliyevin sərəncamı ilə ictimai asayişin təmin olunmasında, hüquq qaydasının möhkəmləndirilməsində, cinayətkarlığa qarşı mübarizədə, xidməti vəzifələrin və xüsusi tapşırıqların yerinə yetirilməsində fərqləndiyinə görə "Vətən uğrunda” medalı ilə təltif edilib.

Xəbərdən istifadə edərkən istinad etmək vacibdir.