Dini Qurumlarla İş üzrə Dövlət Komitəsinin tabeliyindəki Mənəvi Dəyərlərin Təbliği Fonduna təyinatlar olub.
Komitədən Kult.az-a verilən məlumata görə, komitə sədri Mübariz Qurbanlının imzaladığı əmrə əsasən, ilahiyyat elmləri üzrə fəlsəfə doktoru Mehman Qurban oğlu İsmayılov Mənəvi Dəyərlərin Təbliği Fondunun icraçı direktoru vəzifəsinə gətirilib.
Qafqaz Müsəlmanları İdarəsi sədrinin birinci müavini Salman Musa oğlu Musayev Fondun Himayəçilər Şurasının sədri seçilib.
Şuranın üzvlüyünə isə millət vəkili Sahibə Əli qızı Qafarova, Ailə, Qadın və Uşaq Problemləri üzrə Dövlət Komitəsi sədrinin müavini Aynur Məmmədiyyə qızı Sofiyeva, AMEA-nın Məhəmməd Füzuli adına Əlyazmalar İnstitutunun direktoru və AMEA-nın Humanitar elmlər bölməsinin akademik katibi Teymur Həşim oğlu Kərimli və "Səs” Media Qrupunun rəhbəri Bəhruz Vaqif oğlu Quliyev təyin ediliblər.

Xəbərdən istifadə edərkən istinad etmək vacibdir.