Azərbaycan Respublikasının Prezidenti yanında Gənclər Fondunun maliyyə dəstəyi və təlimlərin təşkili sahəsində ixtisaslaşmış "Business Management School” MMC-nin tərəfdaşlığı ilə "Vətənpərvər Maarifçi Gənclər” İctimai Birliyi tərəfindən "Peşəni peşəkarlardan öyrənək- gənclər üçün İnsan Resurslarının İdarəedilməsi təlimi” layihəsinin icrasına 16 dekabr 2017-ci il tarixində, start verilmiş və 22-23 dekabr 2017-ci il tarixində keçirilən təlimlərlə layihəyə yekun vuruldu.

Təşkil edilən təlimlərdə 50-dən çox müxtəlif sosial təbəqələri təmsil edən gənc paytaxt sakini iştirak edib.

Təlimlər Azərbaycanın insan resursları üzrə əsas mütəxəssislərindən olan "BMS” MMC-nin təlimçiləri -"Atəşgah" SŞ-də layihələr üzrə HR koordinatoru Şamo Mürşüdov, "DəmirBank” ASC-də İnsan Resursları Departamentinin direktoru İlkin Zeynallı və "AzerGold” QSC-də Kadrlarla iş şöbəsinin rəhbəri – Müşfüq Əmircanov tərəfindən aparıldı.

İnteraktiv təlim metodundan istifadə edərək təlimlərdə gənclərə İşə qəbul və seçim mərhələsi, İşçilərin motivasiya sistemi, Əmək Məcəlləsi-işçi və işəgötürənin hüquqları mövzuları barədə geniş məlumat verildi.

Layihənin təlimçiləri iştirakçıların aktivliyi ilə keçən təlimlərdə onların gələcək əmək fəaliyyətlərində qarşıya çıxa biləcək bir sıra anlaşılmazlıqlara aydınlıq gətirərək, iştirakçılar tərəfindən verilən sualları da cavablandırdılar.

Təlimin sonunda iştirakçılara kitabça və sertifikatlar təqdim edildi.

 

 

 

 

 

Xəbərdən istifadə edərkən istinad etmək vacibdir.