Orxan adlı şəxs uşağa baxa bilmədiyini və bu səbəbdən körpəni satdığını yazıb: "Körpə oğlan uşağıdır, sağlamdır. Övladı olmayanlara verirəm, razılaşma yolu ilə".
Uşağını satışa çıxaran şəxs  açıqlamasında deyib ki, ailəsi ilə Suraxanı rayonu ərazisində həyət evində yaşayır: "İşsizəm, ailəmi dolandıra bilmirəm. Tezliklə ikinci uşağım da olacaq. Ona görə bunu satmaq qərarına gəlmişik. Mən də anası da sağlam adamlarıq. Uşaq normal doğulub, səhhətində problem yoxdur".
Qarabazar.az saytının admistratoru Məhyəddin Loğmanov açıqlamasında bildirib ki, onların bu elandan xəbərləri yoxdur. "Biz sayta yerləşdirilən bütün elanlara nəzarət edirik. Lakin bu elan nəzərimizdən qaçıb".
Qeyd edək ki, bu barədə ilk xəbəri musavat.com saytı yayıb.(lent.az)

Xəbərdən istifadə edərkən istinad etmək vacibdir.