Xeberle.com-un məlumatına görə, bu fikirlər Sumqayıt Bələdiyyəsinin hesabat yığıncağında səsləndirilib. 

Hesabat yığıncağında həmçinin bildirilib ki, "Xəzər” 2 saylı məhəllə komitəsinin ərazisində 500 kvadratmetr sahədə abadlaşdırma işləri aparılıb, onların maliyyələşdirilməsi üçün məhəllə komitəsi  tərəfindən 5000  manat  məbləğində  vəsait  ödənilib. "Xəzər” 1 saylı məhəllə komitəsinin ərazisində 11950 kvadratmetr ölçüdə məhəllədaxili yollar təmir edilib. Layihənin dəyəri 104290 manat təşkil edib. Yeni yaşayış massivi 8-ci məhəllə üzrə 1 saylı məhəllə komitəsinin ərazisində  dəyəri 60000 manat təşkil edən yeni transformator quraşdırılıb. Sumqayıt Stansiyası üzrə 1 saylı məhəllə komitəsinin ərazisində 5000 kvadratmetr ölçüdə yollar təmir edilib.

İşlərin maliyyələşdirilməsi üçün 30000 manat məbləğində vəsait ayrılıb.