Sumqayıt şəhərindəki 2 nömrəli orta məktəbdə insan alverinə qarşı mübarizəyə həsr edilmiş maarifləndirici seminar keçirilib.
Bu barədə Azərbaycan Qızıl Aypara Cəmiyyətinin mətbuat xidmətindən verilən məlumata görə, seminarı giriş sözü ilə cəmiyyətin Sumqayıt şəhər bölməsinin sədri Mətanət Məhərrəmova acıb. O, məktəblilərə mövzunun mahiyyəti barədə danışaraq bu sahədə ən zəruri bilikləri çatdırmağa çalışıb.
Cəmiyyətin Sumqayıt şəhər bölməsinin təlimatçısı Mərziyə Məmmədli hazırlanmış slayd əsasında insan alverinin qurbanı olmamaq üçün vacib olan bir sıra məsələlər barədə seminar iştirakçılarına məlumat verib.
Mövzuya həsr olunmuş videoçarxlar nümayiş olunub.
Şagirdləri maraqlandıran suallara cavablar verilib, mövzu ilə əlaqədar hazırlanmış bukletlər paylanılıb.(AZƏRTAC)

 

Xəbərdən istifadə edərkən istinad etmək vacibdir.