“UNİSEF-in araşdırmasına əsasən Azərbaycanda 1 il ərzində təxminən 5 min 15 yaşadək qız ərə gedib.
Bu faktı "Sexual abuse of children" (uşaqların cinsəl sui-istifadəsi) adlandıran və bununla bağlı şərh istəyən Avropalı deputata bizim hökumət deyib ki, bu uşaqların sui-istifadəsi deyil, çünki onlar ailə həyatı qurublar!!? Musavat.com xəbər verir ki, bu barədə özünün Facebook səhifəsində tanınmış hüquqşünas Rəşid Hacılı yazıb.
Davam edək: “Hökumət əlavə edib ki, bu, Bakıdan uzaq kənd rayonlarında baş verir və hökumət bunun qarşısını ala bilmir.
Nigah yaşını 18 yaş müəyyən edən və azyaşlıların cinsəl hüuqlarının pozulmasını cinayət sayan hökumət Avropalı deputata etiraf edib ki, onun qanunlarına Bakıdan o tərəfdə əməl etmirlər.
Həm də bəlli olub ki, "Sexual abuse of children" (uşaqların cinsəl haqlarının pozulması) deyəndə bizim hökumət rəsmilərimiz bunu "uşaqların cinsəl istismarı" kimi anlayırmış”. Sitatın sonu.
Xəbərdən istifadə edərkən istinad etmək vacibdir.
