Parlamentin növbəti iclasında İnzibati Xətalar Məcəlləsinə yeni maddənin əlavə olunması müzakirə edilib. 
Təklif edilən 395.0.7-ci maddəyə əsasən, "Müvafiq icra hakimiyyəti orqanının yaratdığı qurumun icazəsi alınmadan ölçülərindən asılı olmayaraq, açıq məkanda reklam qurğularının tikintisinə, quraşdırılmasına və onlara konstruktiv dəyişikliklərin edilməsinə” görə cərimələr müəyyənləşdirilir.
Buna görə fiziki şəxslər 300 manatdan 500 manata, vəzifəli şəxslər 1500 manatdan 2500 manata, hüquqi şəxslər isə 10000 manatdan 15000 manata qədər cərimələnəcəklər.
Qeyd edək ki, layihə səsə qoyularaq qəbul edilib. (Unikal.org)

Xəbərdən istifadə edərkən istinad etmək vacibdir.