Evi dağıdılan ailədən aldığımız son məlumata görə, sözügedən ailə 2008-ci ildə 10 (on) min manat məbləğində krediti Qafqaz İnkişaf Bankında götürüb.

 2010-cu ilə qədər ödəniş olmadığına görə, bank faizi yüksəldib. Bank faizləri yüksəldikdən sonra ailə evi satmaq məcburiyyətində qalıb. 

Sonra Qafqaz İnkişaf Bankının Bakı ofisi bu ailədən kreditin müddətini uzatmaq üçün 2 min əlavə pul istəyib. Banka 2 min pul ödəndikdən bir həftə sonra ailəni evindən bayıra çıxarıblar. Yaranmış vəziyyətdən sonra ailə başçısı bank nümayəndələrinin bu hərəkətini qəbul etməyərək məhkəmə orqanlarına müraciət edib.

 Lakin, məhkəmə prosesi ailənin xeyrinə qərar çıxarmayaraq mənzilə 40 min manat pul qoyub. Sumqayıt şəhəri 36-cı məhəllə 5/11, mənzil 31 ünvanında olan evin qiyməti 65 min manatdır. 

Buna baxmayaraq, bank əməkdaşlarının səyi nəticəsində göstərilən mənzil 25 min manata hərraca çıxarılıb. Ən acınacaqlısı da budur ki, ailə 8 min pulu qaytarmaq istəsə də, Sumqayıt filialında işləyən Məlahət xanım ailəni otağından qovaraq: “Mənə ev lazımdır, pul yox!” deyib.

Ən faciəlisi də budur ki, 6 nəfər böyük, 2 nəfər azyaşlı körpəsi olan ailə qışın oğlan çağında evsiz qalıblar.

/carci.az/