Sumqayıt şəhər Təhsil şöbəsinin baş
mühasibi Rəşad Həsənov uzun illər Azərbaycanın müxtəlif hüquq-mühafizə
orqanlarında mühüm vəzifələrdə çalışmış atası Bayram Həsənovun 60 illik
yubileyi ilə bağlı yazı hazırlayıb.
Xeberle.com həmin yazını olduğu kimi
təqdim edir:
Atam Həsənov Bayram Süleyman oğlu
1958-ci ilin mart ayının 20-də Kəlbəcər rayonunun Çobangərəkməz kəndində anadan
olub. O, 1965-ci ilin sentyabr ayında Kəlbəcər rayonu Tirkeşəvənd kənd 8 illik
məktəbin 1-ci sinifinə daxil olub, 1973-cü ilin may ayında həmin məktəbin 8-ci
sinfini bitirib. 1973-cü ilin sentyabr ayında Kəlbəcər rayonunun Ağcakənd kənd
orta IX sinfinə daxil olub, 1975-ci ildə
həmin məktəbin X sinfini bitirib. Orta məktəbi bitirdikdən sonra Kəlbəcər
rayonunun Əsrik kəndində sıravi kolxozçu kimi K.Marks adına kolxozda fəaliyyətə
başlayıb. 1976-1978-ci illərdə Rusiyanın Petrozavodsk şəhərində həqiqi hərbi
xidmətdə olub. Hərbi xidməti başa vurduqdan sonra 1979-1982-ci illər əvvəlki iş
yeri olan K.Marks adına kolxozda sıravi kolxozçu kimi fəaliyyətini davam
etdirib. 1982-ci ildə Azərbaycan Dövlət Universitetinin Hüquq fakültəsinin əyani
şöbəsinə daxil olub, 1987-ci ildə tam kursu bitirib, hüquqşünas ixtisasına yiyələnib.
1987-ci ilin iyun ayında təyinatla Kəlbəcər rayon icraiyyə komitəsinin sərəncamına
göndərilib. 1987-1988-ci illərdə əvvəlki iş yeri olan K.Marks adına kolxozda
hüquq məsləhətçisi vəzifəsində işləyib. 1989-cu ilin yanvar ayından 1991-ci
ilin fevral ayınadək Kəlbəcər rayon Partiya Komitəsinin təşkilat şöbəsində təlimatçı
vəzifəsində işləyib. 1991-ci ilin fevral ayından həmin ilin aprel ayınadək Kəlbəcər
rayonunun icraiyyə komitəsinin hüquq şöbəsinin müdiri vəzifəsində çalışıb.
1991-ci ilin aprel ayının 4-də Azərbaycan Respublikası Baş Prokurorunun əmri ilə
həmin prokurorun xüsusilə mühüm işlər üzrə böyük müstəntiqi vəzifəsinə təyin
olunaraq 1992-ci ilin noyabr ayınadək Xankəndi, Şuşa, Ağdərə şəhərlərində fəaliyyət
göstərib. 1992-ci ilin noyabr ayından 1993-cü ilin iyun ayınadək Kəlbəcər
rayonunda prokuror köməkçisi vəzifəsində işləyib. 1993-cü ilin iyun ayının 14-dən,
1994-cü ilin dekabr ayının 9-dək Siyəzən rayon prokurorunun böyük köməkçisi,
1994-cü ilin dekabr ayının 9-dan, 1995-ci ilin oktyabr ayının 30-dək həmin
prokurorun müavini vəzifəsində, 1995-ci ilin oktyabr ayının 30-dan 1996-cı ilin
iyun ayının 10-dək Siyəzən rayonunda prokuror əvəzi vəzifələrində, 10 iyun
1996-cı il tarixindən, 05 yanvar 2001-ci il tarixədək Xocalı rayon prokuroru vəzifəsində
işləyib.
Atam Bayram müəllim haqqında əlavə olaraq onu göstərə bilərəm ki, onun fəaliyyəti
müharibə bölgələrində olub. 1991-ci ilin aprel ayının 4-də mərhum Baş Prokuror
İsmət Qaibovun əmri ilə Respublika Prokurorluğunun xüsusilə mühüm işlər üzrə
müstəntiqi vəzifəsinə təyin edilərək müharibə bölgəsi olan Şuşa şəhərinə göndərilib.
Ondan sonra həmin şəhərə 16 nəfər müstəntiq göndərilərək böyük istintaq əməliyyat
qrupu yaradılıb. Həmin qrupun tərkibində Daxili İşlər Nazirliyindən və keçmiş
Milli Təhlükəsizlik Nazirliyindən müxtəlif vaxtlarda 40 nəfərədək müstəntiqlər
və əməliyyatçılar ezam edilərək qrupun faliyyətinə köməklik göstərdilər.
İstintaq əməliyyat qrupunun fəaliyyəti silahlı ordunun tərkibində Dağlıq
Qarabağın bütün ərazilərində keçirilən əməliyyatlarında iştirak etmək, erməni
millətindən olan cinayətkar qrupları yaxalayıb Şuşa İstintaq təcridxanasına
götürmək və həmin cinayətkar qruplar barəsində olan cinayət işlərinin
istintaqını yekunlaşdıraraq baxılması üçün Baş Prokurorluq vasitəsilə
Respublika Ali Məhkəməsinə göndərmək idi. Onlar istintaq qrupunun üzvləri əsgər,
zabit, təhqiqatçı, əməliyyatçı və ən sonda döyüşən istintaqçı kimi fəaliyyət
göstərirdilər. Fəaliyyətləri dəfələrlə rəhbərlik tərəfindən müxtəlif
mükafatlarla qiymətləndirilib. Bayram Həsənovun konkret fəaliyyət götərdiyi
zonalar Şuşa, Laçın, Xankəndi, Ağdam, Ağdərə, Füzuli, Hadrut, Martuni, Xocavənd,
Tərtər, Xocalı və ən sonda isə istintaq üzvlərinə imtiyaz verildikdən sonra o,
Kəlbəcər rayonunun işğal olunduğu gün 1993-cü ilin yanvar ayında həmin rayona
göndərildi. Kəlbəcər rayonunun işğalından 1 gün sonra apel ayının 2-də bir neçə
nəfər polis əməkdaşları ilə Kəlbəcəri tərk etdilər və Murov dağda ermənilərin
mühasirəsində qaldılar. 3 gündən sonra ərazini yaxşı tanıdıqları üçün mühasirədən
çıxa biliblər. Bir sözlə müharibə başlayan gündən atəşkəsədək cəbhə bölgələrində
fəaliyyət göstərib.
Atam Bayram Həsənovu 60 illik yubileyi münasibəti ilə bütün ailə üzvlərimiz
adından təbrik edir, ona uzun ömr, möhkəm can sağlığı və bütün işlərində müvəffəqiyyətlər
arzulayıram.
Xəbərdən istifadə edərkən istinad etmək vacibdir.