Aprelin 27-də Sumqayıt Dövlət Universitetinin (SDU) və Qızıl Aypara Cəmiyyəti Sumqayıt şəhər bölməsinin birgə təşkilatçılığı ilə "Qan ver, yaşat!” devizi ilə keçirilən qanvermə aksiyasına tələbələr həvəslə qoşulublar.
Xeberle.com-a bildirilib ki, qanvermə aksiyasında məqsəd talassemiya və hemofiliya irsi xəstəliyindən əziyyət çəkən uşaq və yeniyetmələrə kömək olmaqdır.
Universitetin çoxsaylı professor-müəllim, tələbə və əməkdaşlarının könüllü olaraq iştirak etdikləri aksiyada Mərkəzi Qan Bankının xüsusi tibb briqadasının həkim-hematoloqları tərəfindən hər bir donorun sağlamlığı öncədən müəyyən olunub, daha sonra isə qan götürülüb. Qan Bankına toplanan qanın plazma hissəsi hemofiliyadan əziyyət çəkən xəstələrə, eritrositar kütləsi isə talassemiyalı xəstələrə köçürüləcək.
Xəbərdən istifadə edərkən istinad etmək vacibdir.
