Formula 1 Azərbaycan Qran-prisini izləmək üçün ölkəmizə turist kimi gələn Polşa vətəndaşı Koçot Morius polisə müraciət edərək içərisində ona məxsus pul kisəsini və sənədləri itirdiyini bildirib. Qısa zaman ərzində Nərimanov Rayon Polis İdarəsi 18-ci Polis Şöbəsinin əməkdaşları onun pul kisəsini tanışları ilə birgə qaldığı otelə gedən zaman taksidə unutduğunu müəyyənləşdirib. Həmin taksi sürücüsü ilə əlaqə yaradılıb və o, turistin pul kisəsini Polis Şöbəsinə gətirərək təhvil verib. Turistin adından tanışı Piter Lyubinski problemin qısa zamanda həllini tapmasında göstərdikləri köməkliyə görə polislərə təşəkkürünü bildirib. Polşalı turistlər deyiblər ki, 10 ilə yaxındır Formula 1 yarışlarını izləmək üçün dünyanın bir çox ölkəsinə getsələr də, indiyə qədər belə qonaqpərvərliyin və polisin belə operativliyinin şahidi olmayıblar.
Xəbərdən istifadə edərkən istinad etmək vacibdir.
