Zərərçəkənin dediyinə görə icra başçısı qəfildən onun sifətinə zərbələr endirməyə başlayıb, burnunu sındırıb. Bu vaxt qardaşı onu icra başçısının əlindən almağa çalışıb.
Beyləqan rayon icra hakimiyyətinin başçısı Vaqif Abdullayev bir neçə gün əvvəl rayonda yeni tikilməkdə olan Olimpiya İdman Kompleksinin qarovulçusu Rahil Əliyevi şəxsən döyüb, burnunu sındırıb və ona ağır söyüşlər yağdırıb.
Xeberle.com virtualaz.org-a istinadən xəbər verir ki, icra başçısının döydüyü Rahil Əliyev başına gələnləri sosial şəbəkələrdə yayılmış videoyazıda danışır.
Onun sözlərinə görə qarovulçuluq etdiyi tikinti sahəsində üç dəmir konstruksiyanın guya oğurlandığı haqda icra başçısına xəbər çatıb. Əslində isə həmin konstruksiyaları tikintini aparan şirkət özü təmir etdirmək üçün Bakıya, zavoda geri qaytarmışdı.
Rahil Əliyev deyir ki, icra başçısı polisin müşaiyəti ilə gözlənilmədən tikinti ərazisinə gəlib. Bu zaman icra başçısı bərk sərxoş vəziyyətdə olub və hətta ayaq üstə güclə durumuş.
"Məni döysəydi, söysəydi, bunu bağışlayardım. Amma şəhidimə, Elçin Gəray oğlunu söydüyünə görə onu bağışlamayacam”-Rahil Əliyev deyir.
Xəbərdən istifadə edərkən istinad etmək vacibdir.
