Xeberle.com-unverdiyi məlumata görə, cari ilin son üç ayı ərzində yol-nəqliyyat infrastrukturunun yaxşılaşdırılması və abadlıq işlərinin görülməsi istiqamətində Metallurq küçəsi - sənaye zonasındankeçməklə Bakı-Quba şosesinə qədər 4,0 km uzunluğunda yol yenidən qurularaq kompleks şəkildə əsaslı təmir olunur. Qeyd edək ki, 2017-ci ilin əvvəlindən bu küçənin Sülh küçəsindən başlayaraq, Bakı-Quba yoluna qədər olan hərəkət hissəsi genişləndirilib, hasarlar, piyada yolları, kommunikasiya xətləri yenidən qurularaq yaşıllaşdırma işləri aparılıb. Həmçinin İsmət Qayıbov və Babək küçələrində asfaltlanma işlərinə başlanılıb, 3-cü, 9-cu mikrorayonlar və bir çox məhəllələrin ərazilərinə ümumilikdə 15 min kv.metrdən çox asfalt örtüyü salınıb. Küçə və yollarda köhnəlib sıradan çıxmış 10 min p/m-dən çox səki daşı yeniləri ilə əvəz edilib, Nizami küçəsində 600 kv.metr yerə piltə döşənib, məhəllə və mikrorayonların həyətlərində 120-dən çox oturacaq və kölgəliklər quraşdırılıb.Hazırda Cəfər Cabbarlı, 3-cü mikrorayon və digər məhəllədaxili ərazilərdə asfaltlanma işləri davam etdirilir.

2018-ci ilin qalan dövrü ərzində isə şəhərin inkişafı ilə əlaqədar sosial obyektləri və yaşayış binalarının dam örtüklərinin, fasadlarının əsaslı təmiri, istilik təchizatı ilə əlaqədar problemlərin həlli, küçə və yolların, məhəllədaxili ərazilərin asfalt örtüyünün dəyişdirilməsi, "Acı Dərə” kanalının yaşayış ərazilərindən keçən hissəsinin boruya alınması, yeni istehsal sahələrinin, iş yerlərinin açılması və digər sosial problemlərin həlli istiqamətində işlər davam etdiriləcək. Xatırladaq ki, "Acı Dərə” kanalının Metallurq küçəsində məcrasının dəyişdirilməsi ilə əlaqədar 1800 p/m yeni su ötürücü kanalizasiya xətti çəkilib.

Eyni zamanda tezliklə İnşaatçılar, Zülfi Hacıyev, Üzeyir Hacıbəyov, Nəriman Nərimanov küçələrində və şəhərin digər təmirə ehtiyacı olan küçələrində asfaltlanma işləri aparılacaq.

Bundan başqa, ötən il ərzində Sumqayt şəhərinin Koroğlu küçəsində 4 km uzunluğunda 140 min kv.metr, Səməd Vurğun küçəsində 9 km uzunluğunda 120 min kv.metr, Nizami küçəsində 1,6 km uzunluğunda 25 min kv.metr, Sərvər Bədəlbəyli küçəsində 0,8 km uzunluğunda 14 min kv.metr və Heydər Əliyev küçəsində 1,8 km uzunluğunda 66 min kv.metr yola yeni asfalt örtüyü salınıb. Həmçinin Sumqayıt şəhər İcra Hakimiyyətinin dəstəyi və şəhər bələdiyyəsinin köməyi ilə Qurd Dərəsi yaşayış massivində 2,5 km uzunluğunda yol hər iki tərəfə genişləndirilib, yolun eni 8 metrə çatdırılaraq asfalt örtüyü təmir edilib.

Elnarə Salamova

Xeberle.com