Sumqayıt şəhərində yol-nəqliyyat sisteminin inkişaf etdirilməsi daim diqqət mərkəzində saxlanılır.
Xeberle.com-un Dünya TV-yə istinadən verdiyi məlumata görə, şəhərin küçə və prospektləri yenidən qurularaq sakinlərin istifadəsinə verilir. Hazırda uzun müddət baxımsızlıqdan pis vəziyyətə düşən və Sumqayıtın 4-cü əsas giriş küçəsi olan İnşaatçılar təmir olunur. Ümumi uzunluğu təqribən 4 kilometrə yaxın olan yolun təmir Sumqayıt şəhər İcra Hakimiyyəti tərəfindən həyata keçirilir.
Qeyd edək ki, İnşaatçılar küçəsindən uzun müddətdir yalnız ağır tonnajlı yük maşınları istifadə edib. Bu səbəbdən də yol acınacaqlı vəziyyətə düşüb. Təmir olunan küçə bundan sonra digər nəqliyyat vasitələri üçün də əlverişli olacaq. Hazırda yolun 1.2 km hissəsində asfaltlanma işləri həyata keçirilir.
Elnarə Salamova
Xeberle.com
Xəbərdən istifadə edərkən istinad etmək vacibdir.
