"Sumqayıtı tanıyaq” devizi altında keçirilən maarifləndirici tur-aksiyaya start verilib.
Xeberle.com-averilən məlumata görə, Təhsil Nazirliyi və Azərbaycan Respublikasının
Prezidenti yanında Vətəndaşlara Xidmət və Sosial İnnovasiyalar üzrə Dövlət
Agentliyinin birgə layihəsi olan "Məktəblinin dostu” və Yeni Azərbaycan
Partiyası (YAP) Sumqayıt şəhər təşkilatı
dəstəyi ilə tur-aksiya həyata keçirilib.
Bu dəfəki iştirakçılar Bakı şəhər Binəqədi rayon Qamət Abbasov adına 284 saylı tam orta məktəbin
şagirdləri olub.
Maarifləndirici xarakter daşıyan tur-aksiyada YAP Sumqayıt şəhər təşkilatının sədri Ramiz Hüseynov, Gənclərlə iş üzrə sədr müavini Elmar Xəlilov və bir qrup fəal partiya üzvü yaxından iştirak edib, şagirdlərə şəhər və görülən işlər barədə ətraflı məlumat veriblər. Bildirilib ki, Sumqayıt son illər əsaslı tikinti və quruculuq meydanına çevrilib.
Qeyd olunub ki, Prezident İlham Əliyevin qayğısı sayəsində şəhərdə 2015-ci ilin sonu, 2016-cı ilin əvvəllərindən abadlıq-quruculuq, yaşıllaşdırma sahəsində irimiqyaslı layihələrin icrasına başlanılıb və qısa müddətdə uğurla başa çatdırılıb. Vurğulanıb ki, Sumqayıt şəhər İcra hakimiyyətinin Başçısı Zakir Fərəcovun da şəhərə göstərdiyi diqqət və qayğı əvəzsizdir.
Səid Rüstəmov adına 3 saylı Uşaq incəsənət məktəbi ilə tanışlıqla başlayan aksiya iştirakçıları sonra Şahmat məktəbi və Heydər Əliyev Mərkəzini ziyarət ediblər.
Daha sonra YAP Sumqayıt şəhər təşkilatının yeni inzibatı binası, Sumqayıt Dövlət Üniversiteti, Sumqayıtın Tarix Muzeyi, Şəhidlər Xiyabanı, Dənizkanarı Bulvar və Nəsimi Parkına səfər təşkil edilib.
Aksiya iştirakçıları məmnunluqlarını ifadə ediblər və yaradılan şəraitə görə öz minnətdarlıqlarını bildiriblər.
Xəbərdən istifadə edərkən istinad etmək vacibdir.
