Bu il ərzində Sumqayıt şəhərinin yaşayış binalarındakı liftlərin təmiri istiqamətində görülən işlər davam etdiriləcək və yeni liftlər quraşdırılacaq.

Bu sözləri  “Xeberle.com”-a açıqlamasında Sumqayıt şəhər “Liftservis” İstehsalat Birliyinin direktoru Cümşüd İsmiyev deyib. Hazırda işləyən liftlərin yaxşı vəziyyətdə olduğunu bildirən C.İsmiyev bu ilin sonuna kimi 85 liftin yenisi ilə əvəz ediləcəyini qeyd edib: “10 lift hazırdır. Sənədləşmə işi gedir. 30 lift isə quraşdırılma mərhələsindədir. Ümumilikdə bu il ərzində 85 lift yenisi ilə əvəz ediləcək. Havaların kəskin soyuq keçməsi ilə əlaqədar bu işlərə bir az ara vermişik”.

Könül Salahova, Xeberle.com