Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə "Qadın Təşəbbüsü və Sosial Problemlərin Həllinə Yardım” İB-nin icra etdiyi "İnsan alverinin qarşısının alınması və proflaktikasının gücləndirilməsi istiqamətində fəaliyyətin qurulması” layihəsi çərçivəsində "İnsan alveri insan hüquqları kontekstində” mövzusunda tədbir keçirilib. 

Tədbirin təşkilində əsas məqsədi regionda insan alveri sahəsində vəziyyət, onunla mübarizə vasitələri barədə tədbir iştirakçılarını maarifləndirmək idi.

Tədbiri giriş sözlə layihə rəhbəri Zenfira Mustafayeva açaraq iştirakçıları salamlamış, onlara layihənin məqsədi və məramı barədə geniş məlumat vermişdir.

Tədbirdə ekspert qimində layihənin əməkdaşı hüquqşunas Ruslan Muzsatafazadə çıxış edərək insan alverinin mahiyyəti, insan alveri cinayəti baş vermə formaları, insan alveri mümkün qurbanları və potensial qurbanlar, qanunsuz miqrasiya barədə məlumat vermişdir.

Tədbir zamanı Ruslan Mustafazadə insan hüquqları barədə,insan alverinin qurbanı olmuş şəxslərin hansı şəraitdə qurbana çevrilməsi, cinayət baş tutandan sonra hansı dövlət orqanlarına və Təşkilatlara mürcaiət edə biləcəkləri, insan alveri ilə mübarizə sahəsində çalışan orqanlar tərəfindən qurbanlara hansı yardımlar göstərilməsi barədə geniş danışmışdır.

Eksperhəmçinin insan alveriçilərinin əsasən kimlər olduğu, insan alveri qurbanlarının cəmiyyətəinteqrasiya və reinteqrasiyası haqqında iştirakçılara geniş məlumat vermişdir.

Tədbir zamanı ekspert qanunsuz nikahlar, uşaq oğurluğu,suroqat analıq,uşaq əməyinin istismarı bardədə geniş məlumat verərək iştirakçıların suallarını da cavablandırmışdır. Ekspert hər mövzuya aid video çarxlar təqdim etmiş və iştirakçılar ilə həmin video-çarxlar barədəmüzakirələr aparmışdır.

Qarşılıqlı fikir mübadiləsi şəraitində keçən tədbirdə iştirakçılar bu sahədə yetərincə bilik əldə etmişlər.

Tədbirdə Sumqayıt şəhər Dövlət Mədəniyyət Mərkəzinin əməkdaşları, QHT əməkdaşları olmaqla 27 nəfər iştirak etmişdir.

 

 

 

 

 

 

 

 

Xəbərdən istifadə edərkən istinad etmək vacibdir.