Teleaparıcı Rəhman Rəsulovun Milli.Az-a müsahibəsi.
- Rəhman bəy, televiziya aləminə o vaxtlar çox məşhur olan "Dubl bom" verilişi ilə gəlmisiz. İstərdim həmin verilişi tamaşaçılarımıza xatırladasız.
- "Dubl bom" öz formatında ilk o cür veriliş idi. Həm böyüklər, həm də uşaqlar eyni zamanda oturub televizora baxa bilirdilər. Mən də bu verilişin ilk aparıcısı olaraq tarixə düşmüşəm. Sosial medianın geniş yayılmadığı bir vaxtda "Dubl bom" Azərbaycanda reytinqdə hər zaman ən pis halda 2-ci olurdu.
- Səhv etmirəmsə, uzun müddətdir daha əyləncəli verilişə aparıcılıq etmirsiz? Olmaya bu sahədən sizi küsdürüblər?
- Kim deyir ki, əyləncəli veriliş aparmıram? Əyləncəmiz radioda, korporativ tədbirlərdə, sosial şəbəkələrdə davam edir. İndiki zamanda küsməyin heç bir faydası yoxdur. Sadəcə, baxıram ki, televiziyada seçilən aparıcılar nəyi məndən daha yaxşı edirlər.
- Amma radio elə bir sahədir ki, bir çoxları üzləri görünmür deyə bundan imtina edirlər.
- İmtina edənlər çox böyük ehtimal ki, razılaşsaydılar belə, heç radio efirinə buraxılmayacaqdılar. Çünki radio düşündüyünüz qədər sadə iş deyil. Bütün emosiyaları insanlara səslə çatdırmaq, yəqin razılaşarsınız çətindir. El dilində desək, hər oğulun, hər qızın işi deyil.
- Radio aparıcısı səsi ilə tanınmalıdır. Bu da sizdə var.
- O ki qaldı səslə tanınmağa, həm sima ilə, həm də səslə tanınmaq qismət olub deyə çox rahat müqayisə apara bilirəm. Teleaparıcının səsi ilə tanınması çox fərqli bir hissdir.
- Hazırkı iş yerinizdən razısınız?

- Radioda işləməyə imkan və şərait yaratdıqlarına görə rəhbərlikdən çox razıyam. Yeri gəlmişkən, təyin olunan yeni rəhbər və tətbiq olunan yeni sistemlə 100.5 FM daha fərqli olub. Burada 80-90 və bu illərin ən yaxşı türk, yerli mahnılarını dinləmək imkanınız var.

- Bu qədər işlərin içərisində ailənizə vaxt ayıra bilirsiniz?
- Maraqlıdır, oğlan övladı olsaydı, verilişin adını nə qoyardınız?
- Oğlan olsaydı, yəqin ki, "Topoğlan" adlı bir veriliş edərdim (gülür). Onunla mütləq futbolla bağlı bir şey fikirləşəcəyəm, əgər gələcəkdə oğul atası olsam. Əslində, valideyn və övladlarla bağlı bir çox layihələr olub, indi də yox deyildir. Əfsuslar olsun apardığımız müşahidələrdən belə məlum olur ki, hazırlanan layihələr, çəkilən videomateriallar məişət xarakterli və ümumi görüntülərdən ibarətdir. Bizim proqram valideynləri maarifləndirmək, faydalı olmaq, onların övladları ilə bağlı gündəlik rastlaşdıqları suallara cavab tapmaqdan ibarət olacaq.
- ATV-də yayımlanan "Zaurla Günaydın" verilişində teleaparıcılar öz övladları ilə birgə çıxış edirlər. Olmaya həmin verilişə baxandan sonra ağlınıza bu ideya gəlib?
- Elə veriliş də var? Hə, xeyirli olsun, bilmirdim. Dedim axı, bizdə daha maraqlı olacaq.
- Qızınız çox balacadır. Sizi başa düşə biləcək?
- Qızımın 1 yaşı var. Bir-birimizi artıq yaxşı başa düşməyə başlamışıq. Elə ən maraqlısı odur ki, uşaqla çəkiliş zamanı heç nəyi planlaşdırmaq olmur. Hər şey onun istədiyi kimi alınır.

 

Xəbərdən istifadə edərkən istinad etmək vacibdir.