Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə "Qadın Təşəbbüsü və Sosial Problemlərin Həllinə Yardım” İB-nin icra etdiyi "Insan alverinin qarşısının alınması və proflaktikasının gücləndirilməsi istiqamətində fəaliyyətin qurulması” layihəsi çərçivəsində təşkilatın Sumqayıt şəhərində yerləşən ofisində "Uşaq əməyinin istismarı insan alverinin bir forması kimi” mövzusunda tədbir keçirilib. Tədbirin məqsədi uşaq əməyinin istismarı haqqında biliklərin artırılması və onları insan alverçiləri tərəfindən insan əməyinin istismarının müxtəlif növlərinə cəlb olunmasının qarşısını almaq idi.

Orta məktəb şagirdləri və müəllimlərin iştirak etdiyi tədbirdə layihənin rəhbəri Zenfira Mustafayeva şıxış edərək layihənin məqsədi, insan alveri,uşaq alveri barədə iştirakçılara geniş məlumat verib. Layihənin hüquqşunası Ruslan Mustafazadə isə uşaq əməyinin istismarı onun fəsadları və ondan qorunma yolları barəsində danışıb. Tədbir zamanı uşaq əməyi,insan alveri mövzularında qısametrajlı filmlər göstərilib. Nümayiş olunan hər bir filmlə bağlı müzakirələrdə yeniyetmələr fəal iştirak ediblər. Hər bir iştirakçı mövzuya aid materiallar ilə təmin olunub.