Azərbaycanın Gürcüstandakı səfirliyi səfir Dursun Həsənovun Tiflisdə keçirdiyi görüş zamanı bayrağımıza qarşı edilmiş hörmətsizliyi montajla aradan qaldırmağa çalışıb.
Tiflis şəhər bələdiyyəsinin sədri Giorgi Tkemaladza ilə Azərbaycanın Gürcüstandakı səfiri Dursun Həsənov arasında görüş olub.
Görüş zamanı masaya hər iki ölkənin (Azərbaycan və Gürcüstanın) bayraqları qoyulub. Lakin Azərbaycan bayrağı tərs formada asılıb.
Lakin fotolar yayıldıqdan və sosial şəbəkələrdə ciddi tənqid edildikdən sonra bayrağın tərs asıldığının fərqinə varan Azırbaycanın Gürcüstandakı səfirliyi fotolara montajla müdaxilə edib.
Məsələ ilə bağlı Azərbaycanın Gürcüstandakı səfirliyi ilə əlaqə yaratmağa çalışsaq da, zənglərimizə cavab verən olmadı. (Axar.az)
Xəbərdən istifadə edərkən istinad etmək vacibdir.
