Ağcabədi rayonu Qaradolaq kəndi ərazisində köküstə yaş 4-16 sm diametrliyində 57 ədəd iydə ağacı kəsilib.
Ekologiya və Təbii Sərvətlər Nazirliyinin mətbuat xidmətindən Xeberle.com-a verilən məlumata görə, Ətraf Mühitin Mühafizəsi Departamentinin əməkdaşları bununla bağlı reyd keçirib.
Araşdırma zamanı ağacların Ağcabədi rayon sakini Namiq Xanalıyev tərəfindən kəsildiyi və təbiətə 6590 manat məbləğində ziyan dəydiyi məlum olub. Faktla bağlı akt tərtib edilib.
Dəymiş ziyanın məbləği cinayət tərkibi yaratdığından qanun pozuntusu ilə bağlı toplanmış sənədlər məsələyə hüquqi qiymət verilməsi və təqsirkar barəsində qanunamüvafiq tədbir görülməsi üçün Azərbaycan Respublikasının Baş Prokurorluğuna göndərilib.

Xəbərdən istifadə edərkən istinad etmək vacibdir.