Bu gün Azərbaycan torpaqlarını erməni qəsbkarlarından azad etmək uğrunda canından keçmiş Mübariz İbrahimovun şəhid olduğu gündür.
Xeberle.com-un yenigundem.az-a istinadən məlumatına görə, Mübariz İbrahimov 1988-ci il fevralın 7-də Biləsuvar rayonunun Əliabad kəndində anadan olub. Əsgəri xidmətini Daxili Qoşunların "N” saylı hərbi hissəsinin Xüsusi Təyinatlı Bölüyündə keçirib. Həqiqi hərbi xidmətini 2007-ci ildə çavuş rütbəsində başa vurub. Bir müddət mülki işlərdə işlədikdən sonra 2009-cu ilin avqust ayında yenidən gizir rütbəsində xidmətə başlayıb və öz arzusu ilə cəbhə bölgəsindəki hərbi hissələrdən birində xidmət etməyə başlayıb.
2010-cu il iyunun 18-də tarixində gecə gizir Mübariz İbrahimov təkbaşına iki ordu arasındakı bir kilometrlik minalanmış sahəni keçərək Ermənistan silahlı qüvvələrinin çox sayda əsgər və zabitini məhv edib. Sonra isə düşmənin öz silahlarını özünə qarşı istifadə edərək onlarla 5 saat təkbətək döyüşub. Azərbaycan döyüşçüsü səhər saatlarında qeyri-bərabər döyüşdə qəhrəmancasına şəhid olub.
Tariximizin şanlı salnaməsinə qəhrəmanlığıyla yeni bir səhifə yazan Mübariz İbrahimovun anım günündə qəhrəmanımızın məzarını diaspor rəhbəri Nazir Hətəmov, Ramil Hüseynli, Təbriz Məhərrəmoğlu və Pərviz Cəlilov ziyarət ediblər. Eyni zamanda C. Naxçıvanski adına Hərbi Hazrlıq Liseyinin kursantları və Azərbaycan Müdafiyə Nazirliyin əməkdaşları ziyarətdə iştirak ediblər.
Xəbərdən istifadə edərkən istinad etmək vacibdir.
