Qızmar yay günlərində Bakı sakinlərinin ən çox baş çəkdiyi ünvan heç şübhəsiz ki, çimərliklər olur. Ödənişli-ödənişsiz, xalq çimərliyi, hovuzlu-hovuzsuz - seçimlər bəs deyincədir.
Öncə Mərdəkanda yerləşən Dalga Beach Aquapark çimərliyi barədə. Bu çimərlikdə qiymətlər aşağıdakı kimidir:
Azərbaycan Respublikasının vətəndaşları üçün həftə içi - 35 AZN, həftə sonu - 50 AZN;
Xarici vətəndaşlar üçün həftə içi - 50 AZN, həftə sonu - 70 AZN.
0-6 yaşlı uşaqlar üçün pulsuzdur, 7-12 yaşlı uşaqlar üçün 15AZN.
Bu məbləğə akvapark, şezlonq, məhrəba daxildir.
Dalğa Beach Aquapark kompleksinin ödənişli xidmətləri və qiymətlər
VIP paltardəyişmə otaqları: 150 AZN (max 4 nəfər)
Hovuzun içindəki 3 adada yerləşən VIP günəş yataqları: 20 AZN
Dəniz yolunda yerləşən taxta evciklər və günəş yataqları: 40 AZN (2 nəfər üçün)
Bambukdan düzəldilən evciklər: 20 AZN
İcarəyə verilmədiyi günlərdə xanımlar üçün hovuz: 20 AZN
VIP hovuzun kirayəsi: 2500 AZN
Kids Club: 20 AZN (ad günü keçirilərsə, 25 AZN. Qiymətə tort, içki və sürpriz daxildir).
Uşaq baxıcısı üçün hər saata: 10 AZN
Night club (1-4-cü günlər): 30 AZN (saat 00:00-a qədər giriş pulsuzdur)
Night club (5-7-ci günlər): 50 AZN
Night club VIP zona 4 nəfər üçün: 400 AZN (hər əlavə şəxsə görə 100 AZN)
VIP house 2 günlük həftəsonu 4 nəfər üçün: 5000 AZN (hər əlavə şəxsə görə 1000 AZN)
VIP house 1 günlük həftəiçi 4 nəfər üçün: 2000 AZN
Sörfing hovuzu 10 dəqiqə: 10 AZN
Bilgəhdə yerləşən Amburan Beach Club-da isə çimərlik və hovuz qiymələri aşağıdakı kimidir:
Bazar ertəsi – 20 AZN;
Çərşənbə axşamı – Cümə günü – 23 AZN;
Şənbə - Bazar – 28 AZN.
Boyu 130 sm (daxil olmaqla) olan uşaqlara giriş pulsuzdur.
Qiymətə çimərlik və hovuza giriş, dəsmal, uzanma taxtı, çətir, uşaq meydançası, soyunma otağı (şkaf əlavə ödənişli); müxtəlif əyləncələr (trambolin, minigolf üçün meydança, futbol meydançası, voleybol meydançası) daxildir.
Şıxovda yerləşən "Mambo Beach Club”un qiymətlərinə keçək.
Burda da giriş həftəsonu 15 manat, həftəsonu isə 20 manat olaraq nəzərə alınıb. 6 yaşına qədər uşaqlar üçün giriş pulsuzdur (hər 1 böyüklə 1 nəfər 6 yaşına qədər uşaq daxil ola bilər).
Qiymətə hovuzdan və dənizdən istifadə, şezlonq, dəsmal və çətir daxildir.
Mərdəkanda yerləşən Tropicana Beach çimərliyində isə nisbətən ucuzluqdur. Bura giriş 10 manatdır. Qiymətə çimərlik, hovuz, uşaq hovuzu, şezlonq daxildir. Burada da 10 yaşdan aşağı uşaqlara giriş 5 manat, 5 yaşdan aşağı uşaqlara isə pulsuzdur.
"Ramada Baku Hotel"in qiymətlərinə keçək. Burada həftə içi giriş 20 manat, həftə sonu isə 30 manatdır. 6 yaşadək uşaqlar üçün giriş pulsuzdur. 1 ailədən 1 uşaq olmaq şərtilə... Qiymətə çimərlik və hovuza giriş, şezlonq, soyunub-geyinmə otağı və dəsmal daxildir.
Keçək Bilgəh Beach Hotelə. Burada akvaparka giriş böyüklər üçün həftəiçi 35 AZN, həftəsonu 40 AZN, uşaqlar üçün həftəiçi 20 AZN, həftəsonu 25 AZN.
Çimərlik hissəsinə giriş məbləği isə başqadır. Böyüklər üçün həftə içi 40 AZN, həftəsonu 50 AZN-dir. Uşaqlar üçün həftə içi 20 AZN, həftə sonu 25 AZN.
Kabana: həftə içi 50 AZN, həftə sonu 75 AZN;
4 nəfər: Həftə içi 100 AZN, həftə sonu 150 AZN.
Aysberq Resort Hotelin bu il üçün çimərlik və hovuz qiymətləri aşağıdakı kimidir:
Böyüklər üçün 10 manat, 5 yaşa qədər uşaqlara giriş pulsuzdur. 5 yaşdan böyük uşaqlar üçün standart qiymət hesablanacaqdır. Qiymətə çimərlik, açıq basseyn, şezlonq, çətir daxildir.
"Khazar Golden Beach Hotel”dəki qiymətlərə baxaq. Həftə içi 20 manat, həftə sonu 30 manat. 7 yaşına qədər uşaqlar üçün giriş pulsuzdur. Qiymətə hovuzdan və dənizdən istifadə, şezlonq və dəsmal daxildir.
AF Hotel Aqua Parkdakı qiymətlər də nisbətən fərqlənir. Burda böyüklər üçün giriş 15 manat, 12 yaşa qədər uşaqlar üçün giriş isə 10 manatdır. 3 yaşa qədər olan uşaqlar isə pulsuzdur.
Yeni istifadəyə verilmiş Point Beach Club & Hoteldə qiymət cədvəli aşağıdakı kimidir. Böyüklər üçün 10 manat, 6 yaşına qədər uşaqlar üçün giriş pulsuzdur. Qiymətə hovuzdan və çimərlikdən istifadə, şezlonq və çətir daxildir.
My Beach Novkhani qiymətləri də ötən ilkindən fərqlənmir. Həftə içi 20 manat, həftə sonu 25 manat. 6-12 yaş arası uşaqlar üçün giriş 15 manat. 6 yaşına qədər uşaqlar üçün giriş pulsuzdur. Qiymətə hovuzdan və dənizdən istifadə, uşaqlar üçün hovuz, atraksiyon, şezlonq və çətir daxildir.
Orta statistik azərbaycanlılar üçün bu qiymətlərlə hər həftə sonu ailələikcə çimərliyə getmək ciddi məsrəf deməkdir. İnandırıcı deyil ki, ailələr pullu çimərliklərdən müntəzəm olaraq istifadə etsinlər.
Necə deyərlər, bir dəfə gedən bir daha getmir. Çünki ordakı servis, qiymətlər də ən azı giriş haqqı qədər "əl yandırır”. Dörd nəfərlik bir ailənin bir həftəsonu təkcə çimərliyə giriş üçün 50-150-200 manat xərcləməsi yük deməkdir.
(Musavat.com)