Sumqayıt şəhərində gecə saatlarında elektrik enerjisinin verilişində yaranmış məhdudiyyətlər səbəbindən 20 nəfər liftdə qalıb.
Bu barədə Xeberle.com-a şəhər "Lift-Servis” Birliyinin rəisi Cümşüd İsmiyev məlumat verib. Onun sözlərinə görə, ötən gecə birlik gücləndirilmiş iş rejiminə keçib və liftdə qalanlar tez bir zamanda təxliyyə edilib:
"Şəhərin bütün mikrorayonlarında liftdə qalanlar olub. Dünən gecədən bəri işdəyik və gücləndirilmiş iş rejiminə keçmişik. 20 nəfər liftdə qalıb və 15-20 dəqiqə ərzində onlar təxliyyə olunublar”.
Qeyd edək ki, dünən gecə saatlarında Mingəçevir İstilik Elektrik Stansiyasının (İES) altıncı blokunda yanğınla nəticələnən qəza baş verib və ölkənin bir çox yerlərində elektrik enerjisinin verilməsi dayanıb.
Elnarə Salamova
Xeberle.com
Xəbərdən istifadə edərkən istinad etmək vacibdir.
