"Bu hadisələrlə Azərbaycan dövlətçiliyinə ən böyük zərbə vuruldu. Azərbaycanın son illər gördüyü işlərin üstündən bir xətt çəkildi. Mən bunu məmurların mənim əziz qardaşım İlham Əliyevə sataşması kimi qəbul edirəm”.
Bu sözləri Xeberle.com-a açıqlamasında Müasir Müsavat Partiyasının sədri Hafiz Hacıyev Mingəçevir şəhərində fəaliyyət göstərən ölkənin ən böyük elektrik stansiyası olan Azərbaycan İES 6-cı enerji blokunda baş verən partlayışla əlaqədar fikir bildirərkən qeyd edib. Onun sözlərinə görə, onlar bununla prezidentə ən böyük xəyanətlərini ediblər:
"Bunlar Azərbaycanda dövlət başçısına qara yaxmaq, onu nüfuzdan salmaqdan ötrü qurulmuş bir oyunun tərkib hissəsidir. Bunu başqa yerə yozmağa, çevirməyə dəyməz. Onlar bununla prezidentə ən böyük xəyanətlərini etdilər. Mən bir ay əvvəl internet televiziyasına verdiyim müsahibədə də demişəm ki, ölkədə qarışıqlıq yaratmaq istəyirlər. Ona da nail oldular. Siz görürsünüz ki, onlar xalqın işığını söndürdülər. Onların hamısı yalan danışırlar. Səhiyyə nazirindən tutmuş Bakı Metropoliteninin rəisinə qədər cəzalandırılmalıdır. Etibar Piriverdiyev gərək təcili həbs ediləydi. Bu sahəyə baxan baş nazirin müavinləri hara baxırdılar? Onları axşama qədər kabinetlərində katibələrinin "duxu”sunu iyləməkdən ötrü qoymayıblar oraya. Bunların vicdanı yoxdur və millətin arasında çox böyük narazılıq yaradıblar. Vəziyyətdən çıxmaqdan ötrü hamımız əl-ələ verib ölkə prezidentini müdafiə etməliyik. Mingəçevirdə işıqların sönməsi ölkədə çox böyük narazılıq yaratdı. Yalan danışa-danışa gedirlər. Nə qədər ki, fərsiz, rüşvətə qurşanmış hökumət üzvləri var, Azərbaycanda bundan yaxşı heç nə görə bilməzsiniz. Bunlar hələ jurnalın üz qabığıdır. Allah mənim qardaşıma kömək olsun, şərəfsiz, binamus, Heydər Əliyevin çörəyini yeyənlər, İlham Əliyevin çörəyinin hesabına milyardlar qazananlarının hamısı prezidentə xəyanət edirlər. Onların hamısının xaricdə villaları, otelləri, milyardları, saxladıqları yüz nəfər qadınları var. Ölkə başçısını təhqir edənlərə pul verən adamlardan nə gözləmək olardı?! Ona görə də mən düşünürəm ki, onlar təcili həbs olunmalıdırlar. Sözügedən insanların çöldə rahat gəzmələri Azərbaycan dövlətçiliyinə zərbə və xəyanətdir”.
Xeberle.com
Xəbərdən istifadə edərkən istinad etmək vacibdir.
