"Ülvi
– aztəminatlılara dəstək” ictimai birliyi tərəfindən Sumqayıt şəhərində Azərbaycan
Respublikası Prezidenti yanında Qeyri-Hökümət Təşkilatlarına Dövlət Dəstəyi
Şurasının maliyyə yardımı ilə "Sağlamlıq
imkanları məhdud olan şəxslərin cəmiyyətə inteqrasiyası və onların problemlərinin
həllinə dəstək istiqamətində tədbirlərin təşkili” layihəsi çərçivəsində tədbir
keçirilib.
Xeberle.com-un verdiyi məlumata görə, tədbirin açılışını edən layihə
rəhbəri Ağanənə Seyidqızı layihə haqqında danışıb və bildirib ki, əsas məqsəd sağlamlıq imkanları məhdud
şəxslərin problemlərini cəmiyyətin diqqətinə çatdırmaq, xiyabanlarda sərbəst hərəkəti,
sosial, mədəni, inzibati, infrastruktur obyektlərinə sərbəst daxil olmaq
imkanlarını artırmaq, həmçinin onların problemlərinin həllində cəmiyyətin dəstəyinə
nail olmaq, sağlamlıq imkanları məhdud uşaqların təhsil almaq imkanları və vəziyyətini
öyrənmək, bütövlükdə əlillərin, sağlamlıq imkanları məhdud şəxslərin cəmiyyətə və sosial həyata
inteqrasiya olunmasına nail olmaqdır. Daha sonra tədbir iştirakçıların müzakirəsi,
qarşılıqlı dialoqu şəklində davam edib. İştirakçıların layihə haqqında fikirləri
dinlənilib, təkliflərin aidiyyəti orqanlara çatdırılmasının zəruriliyi qeyd
olunub. Tədbirdə iştirak edən "Əlilliyi
Olan Şəxslərin Sosial Müdafiəsinə və İnteqrasiyasına Dəstək İB”nin sədri Səbinə
Kərimova, "Qadın Təşəbbüsü və Sosial Problemlərin Həllinə Yardım İB –nin sədri
Zenfira Mustafayeva, "Bizim şəhər” İB-nin sədri Mətanət Zeynalova,
"Loğman" Qaçqınlara dayaq Mərkəzi İB-nin sədri Tahirə Nağıyeva, Azərbaycan
Gözdən Əlillər Cəmiyyəti Sumqayıt təşkilatının sədri Tamam Məsimova, "Ülfət"
Əlillərin Sosial Problemlərinə Yardım İB-dən Azər Rəşidov, Əlillərin beynəlxalq
əməkdaşlığı uğrunda İB-dən A.Əzizəliyeva, "Günəşli sabah” qəzetindən Aygün Hacıyeva, "Əsrin sədası” qəzetindən
İlhamə Məmmədqızı və başqaları çıxış edərək Sumqayıt şəhərində əlillliyi olan şəxslərin
sərbəst hərəkət etmək imkanlarının məhdud olduğunu, küçə və xiyabanlarda əlil
arabalarının hərəkəti üçün pandusların qoyulmadığını, eləcə də sosial
infrastruktur obyektlərinə, hətta dövlət idarəçilik qurumlarına daxil olmaq
üçün pandusların quraşdırılmadığını qeyd ediblər.
Tədbir
zamanı iştirakçılara sağlamlıq imkanları məhdud şəxslərin cəmiyyətə
inteqrasiyası ilə bağlı mövcud vəziyyəti əks etdirən foto və video materialları
nümayiş etdirilib.
Elnarə
Salamova
Xeberle.com
Xəbərdən istifadə edərkən istinad etmək vacibdir.
