Hindistanın Ali Məhkəməsinin hakimləri hökumət dairələrin laqeydliyinə cavab olaraq Tac-Mahal kompleksinin sökülməsinə dair qərar çıxaracaqları ilə hədələyiblər.
Xeberle.com The Sydney Morning Herald-a istinadla xəbər verir ki, məhkəmə mavzoleyin inşa olunduğu ağ mərmərə vurulan ziyanın bərpasının artıq mümkün olmayacağını bildirib.
Qeyd olunub ki, məqbərənin bu hala gəlməsində ölkənin və Uttar-Pradeş ştatının hakim dairələri cavabdehlik daşıyır.
"Ya biz Tac-Mahalı bağlayırıq, ya da siz onu bərpa edirsiniz”, - hakimlərin hökumətə göndərdikləri bəyanatda deyilir.
Öz növbəsində hökumət bildirib ki, problemin həlli Hindistan Texniki Universitetinə həvalə olunub. Müvafiq hesabatın hazırlanmasına isə 4 ay tələb olunacaq.
Xəbərdən istifadə edərkən istinad etmək vacibdir.