Sumqayıt Şəhər İcra Hakimiyyətinin təşəbbüsü, Gənclər və İdman Baş İdarəsinin təşkilatçılığı ilə Sumqayıt gənclərinin Quba rayonunda "Yay məktəbi”nə start veriib.
İlk tur 12 iyul 2018-ci il tarixində Qubadlı rayon Gənclər və İdman İdarəsi ilə birgə təşkil edilib. N.Nərimanov adına Mədəniyyət Evində "Yay məktəbi”nin açılış mərasimində Baş İdarənin rəis əvəzi Mübariz Bəşirov və Qubadlı rayon Gənclər və İdman İdarəsinin rəisi Natiq Abbasov çıxış edərək ölkədə gənclərimizə göstərilən diqqət və qayğıdan söz açıblar, eləcə də yay məktəbinin məqsəd və vəzifələri, təhlükəsizlik qaydaları barədə iştirakçılara məlumat veriblər.
Layihənin gənclərin bilik və bacarıqlarının, artırılmasına təcrübə mübadiləsinə, dostluq əlaqələrinin genişlənməsinə müsbət təsir göstərəcəyini qeyd ediblər.
Yay məktəbinin iştirakçıları layihənin keçirilməsi təşəbbüsünü dəstəklədiyinə və təşkilində göstərdiyi köməkliyə görə şəhər və rayon rəhbərliyinə minnətdarlığını bildiriblər.
"Yay Məktəbi”nin ilk turunda şəhərin müxtəlif sahələrini təmsil edən ictimai fəal gənclər, 2017/18 tədris ilində 700 bal toplayaraq ali məktəblərə qəbul olan Əsra Bayramova, Cahan Haşimzadə, fənn olimpiadası, müxtəlif yarış, müsabiqə, festival qalibləri və "Şahin” hərbi idman oyunu üzrə Respublika Çempionu adına layiq görülmüş komanda iştirak ediblər.
Azərbaycanın qədim bölgələrindən olan Quba rayonunda təşkil olunan "Yay Məktəbi”nin iştirakçılar Ümummilli Lider Heydər Əliyevin abidəsini və Quba Soyqırımı Memorial Kompleksini ediblər, Heydər Əliyev Mərkəzi ilə tanış olublar.
Düşərgədə gənclər arasında intelektual, əyləncəli oyunlar, təbiətlə tanışlıq, yemək və çay fasilələri təşkil edilib.
Qeyd edək ki, məqsəd "Azərbaycan gəncliyi 2017-2021-ci illərdə” Dövlət
Proqramının Sumqayıt şəhəri üzrə həyata keçiriləcək Tədbirlər Planının müvafiq
bəndlərinin icrası, gənclərə milli-vətənpərvərlik hisslərini aşılanması,
ölkəmizin bölgələrini tanımaları və asudə vaxtlarının səmərəli təşkil edilməsindən
ibarətdir.
Xatırladaq ki, "Yay Məktəbi”nin cari ildə də təşkil olunması barəsində şəhər
İcra Hakimiyyətinin başçısı Zakir Fərəcovun 16 mart 2018-ci il tarixində
"Kimyaçı” Mədəniyyət Sarayında gənclərlə görüşündə müraciət səsləndirilib və
müsbət qarşılanıb.
Xəbərdən istifadə edərkən istinad etmək vacibdir.
