Baş leytenant Hümbətov Orxan Bayram oğlu. Qaraxanlı kəndində ailəsini ziyarətə getdik. Uşaqlığı gəldi keçdi gözümün önündən. Anası məndən daha yaxşı xatılayır Orxana söylədiyim "səndən yaxşı general olacaq” sözlərini. Hərbi məktəbə daxil olanda ailəsinə "nə probem olsa yanınızdayıq amma inşallah Orxan oxuyub arzularının arxasınca gedəcək” demişdim sözlərindən sanki illər keçməyib. Orxan hərbi məktəbdə çox yaxşı oxudu, göndəridiyi ölkə və qurumlarda biliklərini daha da genişləndirdi, sonra baş leytnant kimi səsi Naxçıvandan, Günnütdən gəldi. Vətənpərvərdi, mərddi Orxan. Vətən, torpaq deyincə canını bir an belə düşünmədən qurban verməyə hazırdı. Anasına "görəcəksiniz inşallah general da olacam amma ən əsası torpaqlarımızın işğaldan azad edilməsidir və onun üçün daim çalışacam” deyərmiş. Səsi Naxçıvandan, Günnütdən gələndə heç kəs təccüblənmədi. Günnütün işğaldan azad olunmasında Orxanın da rolu var. O qəhrəman olmaq üçün doğulmuşdu, qəribə bir işıq vardı onda. Sadəcə ailənin deyil, kəndin də sevimli balalarından idi Orxan. Onu hər kəs sevgi ilə anır. Bir neçə gün əvvəl Günnütün azad olunması xəbərinə təzəcə sevinmişdik ki ondan bir az sonra "Günnüt kəndi istiqamətində döyüş növbətçiliyi aparan hərbi qulluqçuları daşıyan BMC markalı avtomobil iyulun 5-i saat 18:30 radələrində qəzaya düşüb” xəbərindən üzüldük hamımız. 3 gənc həbçimizi itirməmizin ağrısı çox böyük idi və onlardan biri də Orxan idi. Orxanın Qaraxanlıdakı ailə evində axşam əziz atası,anası,qonşuları ilə söhbət edirdik. Anasının qəhərli səslə Qənirə xanım "siz oğluma general olacaqsan, torpaqlarımızı azad edəcəksən demişdin” deyərək başladığı sözü "o bizim könlümüzün generaldı və Vətən üçün nə edə bilərdisə ən yüksək səviyyədə çox gənc yaşlarında etdi, onu heç zaman unutmayacağıq və hər zaaman rəhmət və sevgi ilə anacağıq” deyə bitirdim. Orxan gənclərimiz, ailəsi isə bir çox ailələrimiz üçün əsl örnəkdirlər. Çətinliklə böyütdikləri, oxutduqları evladları üçün "Vətənə bizim də canımız fəda, Vətən sağ olsun” deyə biləcək qədər böyük ürək və düşüncə sahibi olan bu gözə ata-anamızı Allah qorusun! İnşallah Orxanın xatirəsinə Tovuzda yaxın günlərdə tədbir keçirəcəyik. Gənclərimiz onu, arzularını daha yaxından tanımalı, bilməlidirlər. Nur içində yat könlümüzün generalı.
Xəbərdən istifadə edərkən istinad etmək vacibdir.